nokat a l'honneur de rachid le prince

لحناش تابعين شي حشاشين. خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش



واحد كتب ليه طبيب دوا.. قال ليه شربو ورا القهوة.. صاحبنا مشا لورا واحد القهوة فالدرب شربها




هادا واحد مشى لهولندا، هو ماتيعرفش الهولندية، يالله تايعرف صباح الخير هي الداخ، وصل تماك بالليل وناض الصباح بكري تيدور بوحدو وتيتسنى يدوز شي واحد باش إقول ليه الداخ، شوية دازت واحد النصرانية وسبقاتوا قالت لو الداخ معرفش باش إجاوبها وقاليها دردلاخ



هادا واحد سميتو مبارك او جارتو سميتها زهرة مبارك شرا حولي هي تقوليه جارتو مبارك الحولي كال ليها تبارك الله على زهرة البكرة



هذا واحد قالو ليه الكارو (السجائر) غيغلا، مشا شرا عشرة البكيات، وقالو ليه تاني السكر غيغلا، مشا شرا عشرة القوالب،وقالو ليه تاني اتاي غيغلا،مشا شرا عشرة البكيات، وقالوليه توبيس غيغلا مشا ركب فيه عشرة المرات.



هدا عبــيقــة ولا رئيس أو داير اجتماع و هو اقول ليهوم شتي الا ميريكان طلعات القمر
حنا غدي نطلعو الشمس وهما اقولو ليه يا ودي اهديك الله راها غادي تحرقك
قال ليهوم ولا فهموني حنا را غادي نطلعو ليها ب ليل


هذا واحد القواس كتفرج في الماتش تاع الريال و البارصا في القهوة.

شوية ناض دخل للتواليت .. و هي الريال تماركي البيت.. ملي رجع دارو الإعادة و هو يشدها الحارس..



هذا واحد تابع وحدة بالمرسيديس ملي ركبات معاه لقاها خايبة جوع .. غادي و محاملهاش

سولها على سميتها قاتليه غزلان

قاليها .. زيدي جهلي فيا..




هذا واحد معصب .. ميحملش يعاود الهدرة 2 لمرات

مشى عند واحد الحانوت قاليه

عندك الحليب .. قاليه لا

مشى عند حانوت أخر قاليه : و انت ؟؟





هذا واحد الجنرال شاد العساكرية بارك عليهم بالغوات

سول واحد شانو هاذي في يدك

العسكري قاليه .. مكحلة

عربط عليه الجنرال .. لا هاذي أسيدي راها مرتك..

داز عند العسكري لاخر

أشنو هاذي في يدك

العسكري: مرت عبد القادر أشاف ..





هذا واحد شرا كات كات ( 4*4)

بغا يجربها في لوطوروط

يلاه خرج من كازا .. و هو يخدم الراديو

و سمهع ( .. هنا الرباط ..)

و هو يقول .. بشااااخ على الحديد..




كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس



واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى



جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي




هدا الإحصاء بدا في البلاد مني وصلوا عند واحد العائلة سولوا مول الدار قالوا ليه شحال انتما في الدار قا ليهم 10 الناس
قالوا ليه شحال من واحد خدام قال ليهم 3 قالوا ليه شكونهما قال ليهم أنا والتلفزة والثلاجة .







قاليك هادو جوج حوالا كانوا جالسين كيلعبوا الكارطاو هي تدوز حداهم الطونوبيلا ديال نقل اللحوم واحد فيهم قال لصاحبو جمع جمع السطافيط دايزة

هدا واحد البخيل قل ليه ولدو :ابا عطيني 5 دراهم ندرب دويرة انا و صاحبي.
قل ليه باه: هاك ها درهم و سير نيشان .




واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا.




فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو



واحدا قالت لراجلها نصوب لك مصمن ولا بعرير.. قال ليها صوبي فمك هوا الاول

merci 3la sbah

merci de nous avoir fait rire mon ami

Merci Ahmed .. vraiment tu m'as fait rire .. c drole !